24.5.06
meme
Mariña invitoume a cubrir nun documento unha serie de campos, que, por certo, recordan un pouco a Rafaella Carrá, quen dicía iso de "allora si fuera". Bueno, suponse que despois de cubrilo e amosalo publicamente hai que invitar a 5 persoas a que fagan o mesmo, así que eu vou invitar a Martina, Rocío, Olga, Marco e ós meus alumnos (que o farán como grupo, consensuando respostas, e en inglés... verás ti que risas nos botamos!). Por suposto calquera que o desexe pode contestar estes "se fora..." e envialos por correo electrónico, publicalos na súa blog, dalos en man para que eu os escriba nesta ventaniña ó mundo... Bueno, aquí van os meus "se fora...": - Se fora un mes: sería maio.
- Se fora un día da semana: sería o sábado.
- Se fora un momento do día: sería a noite (a poder ser, estrelada).
- Se fora un planeta: sería Venus.
- Se fora un animal: sería un hámster.
- Se fora un moble: sería unha lámpada (bonita, eh!).
- Se fora unha bebida: sería auga.
- Se fora un instrumento musical: sería unha batería.
- Se fora unha froita: sería a fresa.
- Se fora unha canción: sería algo sesenteiro e movido.
- Se fora unha asignatura: sería algunha na que se puidera opinar e debatir.
- Se fora unha parte do corpo: sería a espalda.
- Se fora un obxecto: sería un xarrón ou un tarro.
- Se fora unha comida: sería algunha larpeirada, fixo.
- Se fora un personaxe animado: sería o correcaminos (mecmec).
- Se fora un número: sería o 7.
- Se fora un coche: sería o mini orixinal (vello, vello) verde escuro e co teito branco.
- Se fora unha cidade: sería Edimburgo.
- Se fora unha dor: sería a de cabeza (malditas migrañas!).
- Se fora un mar: sería o de Irlanda.
- Se fora un idioma: manteño a resposta de Mariña, que me gustou moito: “un castrapo está ben…”
- Se fora unha flor: sería un tulipán.
- Se fora unha cor: sería vermella.
- Se fora un verbo: sería disfrutar.
- Se fora unha estación: sería a primavera ou o outono.
- Se fora unha prenda de vestir: vaqueiros, of course.
- Se fora un libro: sería de narrativa breve (encántanme os contos).
- Se fora un país: sería o das marabillas, pero republicano (sen raíña de corazóns).
- Se fora un lugar: sería unha praia pequena limpa (pero que guarra é a xente!).
- Se fora un deporte: sería nadar nesa praia de antes.
- Se fora unha película: sería unha comedia con trasfondo social (moi británica, non?).
- Se fora unha marca: "Comercio Xusto" vale?.
- Se fora unha serie: sería "Mulleres Desesperadas" ou os meus queridísimos Wallace & Gromit.
- Se fora unha páxina web: sería a dos Cbeebies... (viva a BBC!)
- Se fora un sabor: sería doce (serei larpeira!).
- Se fora un signo do zodíaco: son Aries e o seguiría sendo.
- Se fora un perfume: sería olor á herba mollada, a limóns, laranxas e mazás das de verdade, ás fresas silvestres (careixós, umm!)...
# posted by alex @ 12:00 
